Ordu.az xəbər verir ki, bu barədə Ermənistan DİN-in Polis Xidməti məlumat yayıb.

Bildirilib ki, onlar müxtəlif şəxslərin şəxsi və maliyyə problemlərinə müdaxilə edərək “cinayət aləmində yüksək statusa malik” şəxslərə müraciət ediblər, həmçinin cinayət subkulturu daşıyan qruplaşmaların toplantılarında və fəaliyyətlərində iştirak ediblər.

Qeyd edilib ki, cinayət işi başlanıb. Cinayətkar qrupun üzvlərinə qətlin hazırlanması, qətl cəhdi, cinayət subkulturu daşıyan qruplaşmada iştirak, qanunsuz silah-sursat daşıma, xuliqanlıq, quldurluq, oğurluq, əmlakın məhv edilməsi və ya zədələnməsi, habelə narkotik vasitələrin satışı maddələri ilə ittihamlar irəli sürülüb.

“Aparılan əməliyyat-axtarış tədbirləri nəticəsində cinayətkar qrupun üzvləri müəyyən edilərək saxlanılıblar.

Lori vilayətinin istintaq idarəsinin əməkdaşları ilə birgə aparılan genişmiqyaslı axtarışlar zamanı onların yaşayış yerlərindən qanunsuz silah-sursat və narkotik vasitələr aşkarlanıb.

Cinayətkar qrupun 10 üzvü barəsində ictimai cinayət təqibi başlanıb. İlkin istintaq aparılır”, - deyə məlumatda bildirilib.

Alpər Mövludoğlu
Ordu.az