Ordu.az xəbər verir ki, Ermənistanın “Erməni Milli Konqresi” partiyasının sədr müavini Aram Manukyan deyib.

İyunun 7-də keçiriləcək parlament seçkilərində “Erməni Milli Konqresi” partiyasının iştirakı və müxalif qüvvələrin birləşməsi imkanlarından danışan Manukyan əminliklə qeyd edib ki, seçkilər ərəfəsində müxalif qüvvələrin birləşməsi təkcə mümkün deyil, həm də arzuolunan və zəruridir.

Onun sözlərinə görə, siyasi qüvvələr ambisiyaları kənara qoyaraq birləşməlidir.

Manukyanın qiymətləndirməsinə görə, bu gün əsas məsələ sadəcə hakimiyyət dəyişikliyi deyil, Ermənistan tarixinin bu yanlış gedişatını dəyişməkdir.

“Bu gün Nikol Paşinyanın uzaqlaşdırılması artıq hakimiyyət dəyişikliyi adlandırıla bilməz. Bu, ümumiyyətlə, hakimiyyət dəyişikliyi deyil. Məsələ tariximizin bu yanlış istiqamətini dəyişməkdir ki, bu da bizi düz xətt üzrə suverenliyin itirilməsinə aparır. Parlament seçkiləri isə, mənim fikrimcə, artıq öz mənasını itirib. İndi əsas məqsəd Ermənistanın suverenliyinin məhvinin qarşısını almaqdır və bu məqsədlə siyasi qüvvələr, ziyalılar, hamı nəticə çıxarmalıdır. Əgər bu nəticə çıxarılsa, siyasi qüvvələr bu məsələ ətrafında konsolidasiya ola bilərlər”, - deyə o vurğulayıb.

Manukyan sual verib ki, bu, dövlətdir, yoxsa xaosdur, Ermənistanın kilsənin ardınca düşməkdən başqa problemi yoxdurmu?

“Hər bir bitki məhv təhlükəsi ilə üzləşəndə daxili resurslarını səfərbər edir və mübarizə aparır. Hər bir insan xəstələnəndə, dərmanlar kömək etməyəndə, qida kömək etməyəndə, daxili resurslar işə düşür, aktivləşir və orqanizmin problemini həll edir. Millətin də belə bir mexanizmi var”, - deyə o qeyd edib.

Alpər Mövludoğlu
Ordu.az