Ordu.az xəbər verir ki, iyunun 24-26-da Niderlandın Haaqa şəhərində keçiriləcək NATO Sammiti ərəfəsində Sançes NATO-nun baş katibi Rutteyə məktub göndərərək, müdafiə xərclərinin ÜDM-in 5 faizinə çatdırılması tələbinə qarşı çıxıb.

İspan mətbuatında əksini tapan məktubda Sançes müdafiə xərclərini artırmaq üçün istədiyi hər cür fədakarlığın hər bir hökumətin qanuni haqqı olduğunu, lakin İspaniyanın suveren bir müttəfiq olaraq bunu etməməyi seçdiyini bildirib.

Sançes müdafiə xərclərini ÜDM-in 5 faizinə bağlamanın İspaniya üçün "yalnız məntiqsiz deyil, həm də əks məhsuldar" olacağını iddia edib.

İspaniyanın Baş naziri Haaqa Sammitinin bəyannaməsinə "xərc hədəfini istəyə bağlı edəcək və ya İspaniyanı 5%-lik hədəfin həyata keçirilməsindən kənarlaşdıracaq daha çevik bir formul" əlavə etməyi təklif edib.

Sevinc Əliyeva
Ordu.az