Ordu.az xəbər verir ki, Polşa Quru Qoşunları tərəfindən həyata keçirilən təlimlərdə “Homar-K” YARS-ı ilə ilk döyüş atışlı raket sınaqları uğurla həyata keçirilib.
“Homar-K” sistemi Cənubi Koreyanın K239 “Chunmoo” YARS-ının Polşaya uyğunlaşdırılmış versiyasıdır, milli “Jelcz” 882.57 8×8 şassisinə quraşdırılıb, “Topaz” atəşə nəzarət və rabitə sistemi ilə inteqrasiya olunub.
O, Polşa qüvvələrinə uzun mənzilli dəqiq atəş dəstəyi vermək və ölkənin potensial təhlükələrə qarşı müdafiəsini gücləndirmək üçün nəzərdə tutulub.
Təlimlərdə əsas diqqət döyüş hazırlığı və yeni silah texnologiyalarının mövcud hərbi strategiyalara inteqrasiyasına yönəldilib.
Sevinc Əliyeva
Ordu.az
