Ordu.az xəbər verir ki, Birləşmiş Ştatlar və onun Qərb müttəfiqləri texnologiyanın hərbi məqsədlər üçün istifadəsinin qarşısını almağa çalışarkən, Vaşinqton bazar ertəsi Çinin aparıcı çip şirkətləri də daxil olmaqla, 140 şirkətə yeni məhdudiyyətlər elan edib.

ABŞ prezidentinin milli təhlükəsizlik üzrə köməkçisi Ceyk Sallivan bildirib ki, Birləşmiş Ştatlar ABŞ-nin dünya üzrə aparıcı texnologiyalarını və “nou-hau”larını fəal şəkildə qorumaq üçün müttəfiqləri ilə çalışacaq.

Niderlandın çip istehsalçısı ASML yüksək səviyyəli DUV çip istehsal maşınlarının ixracının da ABŞ məhdudiyyətlərindən təsirlənəcəyini, lakin bunun şirkətin mənfəətinə təsir etmədiyini bildirib.

Sevinc Əliyeva
Ordu.az