Ordu.az xəbər verir ki, Kiyev administrasiyası yeni hazırladığı zərbə PUA-sını ictimaiyyətlə paylaşıb.
Ukraynanın Baş nazirinin müavini və rəqəmsal transformasiya naziri Mixaylo Fedorov bəyan edib ki, Kiyev 1800 kilometr mənzilə malik kamikadze PUA-sı hazırlayıb.
Fedorov “Reuters” xəbər agentliyinin dərc etdiyi müsahibədə Ukraynanın müharibədə istifadə etdiyi PUA-lar ilə bağlı açıqlamalar verib.
Ukraynanın da Rusiya kimi saxta PUA-lardan istifadə etdiyini bildirən Fedorov bəzən Ukraynanın bir gecədə Rusiyadan daha çox hücum PUA-larından istifadə etdiyini qeyd edib.
“Süni zəka müəyyən dərəcədə istifadə olunur, lakin daha kritik problemlər rabitə və dərin zərbələr üçün PUA-ların buraxılması üsullarıdır”, - deyə ukraynalı nazir vurğulayıb.
Sevinc Əliyeva
Ordu.az
