Ordu.az-ın “Associated Press“ə istinadən xəbərinə görə, bu barədə Fələstin hökumətindəki mənbələrdən məlumat verilib. Onlar belə bir razılığın əldə olunduğunu təsdiqləyiblər.
Məqalədə bu addım HAMAS-ın bölgədə uzun illərdir davam edən hakimiyyətinə son qoyulması kimi qiymətləndirilir.
O da bildirilir ki, komitənin 15 nəfərədək üzvünün olacağı və mənzil-qərargahının İordan çayının Qərb sahilində, İsrailin nəzarətindəki bölgədə yerləşəcəyi də razılaşdırılıb.
Komitə həm yerli, həm də beynəlxalq tərəfdaşlarla humanitar, eləcə də bölgənin bərpası məqsədi ilə əməkdaşlıqdan məsul olacaq.
Müəllifin diqqət çəkdiyi məqamlardan biri də HAMAS-ın Qəzzada idarəetməni həyata keçirməyə başladığı 2007-ci ildən sonra bu istiqamətdə edilən bütün cəhdlərin uğursuzluqla nəticələnməsidir.
Ordu.az
