Uzaqdan Maneə Arxası Hədəf Aşkarlama Sistemi UHTES Ultra Geniş Diapazon (UGD) radar siqnalları vasitəsilə vizual giriş imkanının olmadığı, qapalı məkanlarda olan hədəf ünsürlərə aid yer məlumatlarını, hədəf bölgəyə yaxınlaşmadan, etibarlı bir məsafədən əldə etmək üçün istifadə olunan radar sistemidir.
UHTES Taktiki Təkərli Zirehli Vasitələrə (TTZV), Zirehli Personal Daşıyıcılarına (ZPD) və minaya davamlı zirehli vasitə (MRAP) sistemlərinə inteqrasiya edilə biləcək şəkildə dizayn edilib. Sistem uzun mənzilli nüfuz etmə qabiliyyəti sayəsində hədəf struktura yaxınlaşmanın riskli olduğu ssenarilərdə strukturun içərisindəki canlıların məkan məlumatlarını təhlükəsiz məsafədən dost elementlərə ötürə bilir.
UHTES girovların xilas edilməsi, terrorla mübarizə və daxili təhlükəsizlik əməliyyatları kimi hərbi ssenarilərə əlavə olaraq, yanğın və müxtəlif təbii fəlakətlərdən sonra xilasetmə əməliyyatları da daxil olmaqla, müxtəlif mülki məqsədlər üçün də istifadə edilə bilər. Sistem həm sabit, həm də hərəkətdə olan maneələrin arxasında və ya qapalı mühitlərdə gizlənmiş hədəf elementlərini aşkar edə bilir.
Əsas xüsusiyyətlər
• Uzun məsafədən hədəfin aşkarlanması
• TTZV, Zirehli Döyüş Vasitəsi (ZDV) və MRAP tipli vasitələrə inteqrasiya qabiliyyəti
• Şaquli və üfüqi şəkildə iki oxlu hərəkət edə bilən anten sistemi
• Yüksək məsafə ayırdetmə qabiliyyəti
• Müxtəlif növ maneələrə qarşı effektiv nüfuzetmə qabiliyyəti
• Makro və mikro hərəkətə qarşı həssaslıq
• Daxili doldurula bilən batareya ilə işləmə və ya vasitənin enerji blokundan qidalana bilmə
• İki ölçülü mövqe qiymətləndirilməsi
• Cihazdaxili sınaq (CIT) qabiliyyəti
• Siqnal qarışdırmaya qarşı davamlılıq
• Metal örtüklü divar xəbərdarlığı qabiliyyəti
• Divar məsafəsinin qiymətləndirilməsi qabiliyyəti
• Batareya işləmə müddəti (Tam istifadə rejimi)
• MIL-STD-810 uyğunluğu
• MIL-STD-461 uyğunluğu
• Tapşırığı yadda saxlama və təkrar istifadə etmə
• Divar aşkarlanması
• Daxili sınaq qabiliyyəti
• Xarici dil dəstəyi
Texniki xüsusiyyətlər
Ölçülər: Anten vahidi: 150sm x 40sm x 40sm
Aşkarlama mənzili: 35 m (boş sahədə)
Hərəkət aşkarlanması: Makro və mikro hərəkətlər
Görüntülənə bilən divar növləri: Kərpic, alçıpan, taxta, plastik, beton və s.
Şaquli və Üfüqi Hərəkət Edə Bilən, Mexaniki İdarə Olunan Anten Sistemi: Mövcuddur
Baxış dərəcəsi: 90°
Görüntü növü: 2D
Ekran ölçüsü: 19”
Enerji mənbəyi: Yenidən doldurula bilən batareya və ya vasitənin enerji blokundan qidalanma
Batareya missiya müddəti (gözləmə rejimi daxil olmaqla): 2,5 saat (50% RF aktiv, 50% gözləmə rejimi)
Batareya missiya müddəti (tam istifadə rejimi): 1,5 Saat
Firuz Bağırov
Ordu.az
