Paşinyan AES haqqında: “Maliyyə müddətinin 2020-ci ilə qədər uzadılması haqqında Rusiya ilə danışıqlar aparılır”

2019/10/15897-1571896710.jpg
Oxunub: 2080     10:17     24 Oktyabr 2019    
“Ermənistan Rusiya hökumətindən alınmış maliyyə ilə Metsamor AES-də yenilənmə işləri həyata keçirir və Rusiyadan alınmış bu maliyyəyə 270 milyon dollar kredit və 30 milyon dollar qrant daxildir”.

Ordu.az erməni KİV-lərinə istinadən xəbər veir ki, bunu oktyabrın 23-də Ermənistan parlamentində sual-cavab zamanı Baş nazir Nikol Paşinyan “Çiçəklənən Ermənistan” partiyasının deputatı Mikayel Melkumyanın sualına cavab verərkən bildirib.

O qeyd edib ki, maliyyə müddətinin daha bir il - 2020-ci ilə qədər uzadılması haqqında Rusiya hökuməti ilə danışıqlar aparılır.

“Ermənistanın Atom Elektrik Stansiyasının maliyyəsi ilə bağlı problemi olmayacaq. Problemin həlli üçün bir neçə ssenari var və bu problem artıq rus tərəfdaşlarla müzakirə olunub”, - deyə Paşinyan bildirib.

Onun sözlərinə görə, məsələ oktyabrın 1-də İrəvanda baş tutmuş Avrasiya İqtisadi Birliyi sammiti zamanı həm Rusiya prezidenti, həm də Rusiya Baş naziri ilə müzakirə olunub.

“Biz problemi daha dərindən anlamaq və həll etmək üçün işləyirik”,- deyə Paşinyan qeyd edib.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: Paşinyan   AES   Rusiya  


Bizi "telegram"da izləyin