MOİK-in idmançıları Hərbçilərin VII Dünya Oyunlarına yola düşüb

2019/10/e28cc-1571386274.jpg
Oxunub: 3439     12:09     18 Oktyabr 2019    
Mərkəzi Ordu İdman Klubunun (MOİK) idmançıları Hərbçilərin VII Dünya Oyunlarında iştirak etmək üçün Çin Xalq Respublikasının Uxan şəhərinə yola düşüb.

Bu barədə Ordu.az-a Müdafiə Nazirliyinin Mətbuat xidmətindən məlumat verilib.

Beynəlxalq Hərbi İdman Şurasının (CISM) təşkil etdiyi və oktyabrın 18-dən 28-dək keçiriləcək yarışlarda ölkəmizi MOİK-in güləşin sərbəst və yunan-Roma, eləcə də cüdo, boks və atıcılıq idman növləri üzrə komandaları təmsil edəcək.

Oyunlarda 100-dən çox ölkədən təxminən 10 min hərbçinin iştirak edəcəyi gözlənilir. 27 növ üzrə 329 yarışın keçiriləcəyi oyunlar hərbçilərin ən böyük dünya oyunlarıdır.

Ordu.az

© Materiallardan istifadə edərkən hiperlinklə istinad olunmalıdır


Teqlər: MOİK  


Bizi "telegram"da izləyin