Ordu.az xarici KİV-lərə istinadən xəbər verir ki, bu barədə Rusiya Prezidentinin mətbuat katibi Dmitri Peskov bildirib.

Peskov Putin və Səudiyyə Ərəbistanı kralı arasında hərbi-texniki əməkdaşlıq məsələlərinin müzakirə edildiyini və bu dialoqun davam etdiriləcəyini söyləyib.

Səudiyyə Ərəbistanına mümkün S-400 sistemlərinin tədarükü məsələsinə gəldikdə isə Peskov qeyd edib ki, bununla bağlı hələlik konkret razılaşma yoxdur, lakin belə bir plan var.

"Dialoq davam edəcək və bu, bazarın tənzimlənməsi baxımından Rusiya-Səudiyyə dialoqunun effektivliyini sübut etdi. Qarşılıqlı fəaliyyət davam edəcək", - deyə Peskov əlavə edib.

Qeyd edək ki, Rusiya Prezidenti Vladimir Putin oktyabrın 14-də Səudiyyə Ərəbistanına rəsmi səfər edib. Səfər zamanı neft prosesi, Suriya və Fars körfəzindəki vəziyyətin sabitləşdirilməsi üçün fəaliyyətin əlaqələndirilməsi, eləcə də İsrail-Fələstin münasibətlərinin tənzimlənməsi danışıqlar mövzusunun tərkib hissəsi olub. İki ölkə liderləri, həmçinin qarşılıqlı əməkdaşlığın müxtəlif sahələrini müzakirə ediblər.

Sevinc Əliyeva
Ordu.az