Ordu.az xarici KİV-lərə istinadən xəbər verir ki, bu barədə rəsmi məlumatı Pentaqonun mətbuat katibi polkovnik Rob Menninq bildirib.

O qeyd edib ki, bu, iki ölkə arasında yaşanan siyasi bir böhrandır və məsələnin hərbi əməkdaşlığa təsiri müzakirə mövzusu deyil.

“Bu ana qədər ABŞ-Türkiyə hərbi əlaqələrində hər hansısa kəsintidən və ya axsaqlıdan söhbət gedə bilməz. Biz Ankara ilə ikitərəfli əlaqələrimizi maksimum səviyyədə saxlamaq cəhdlərimizi dayandırmayacağıq. ABŞ-la Türkiyə NATO müttəfiqləridir və onlar arasında hərbi əlaqələrdə hər hansısa böhrandan danışmaq absurddur”, - deyə Menninq vurğulayıb.

Dəyanət Ağalarlı
Ordu.az