Ordu.az xarici KİV-lərə istinadən xəbər verir ki, o, bu barədə Monteneqro Baş naziri Dusko Markoviçlə Berlindəki görüşündən sonra danışıb.

Birgə mətbuat konfransında Putinin səfəri barəsində sualı cavablandıran Merkel Rusiyanın təkcə Suriya deyil, həm də Ukrayna böhranının həllində əhəmiyyətli rola sahib olduğunu bildirib və bu məsələlərin görüş zamanı müzakirə ediləcəyini söyləyib.

“Biz Rusiya ilə yaxşı əlaqələrə sahib olmaq istəyirik və bu Putinlə baş tutacaq görüşümüzdən asılıdır”, - deyə Merkel əlavə edib.

Qeyd edək ki, Merkelin gözlənilməz dəvəti üzərinə Putin bu gün Berlinə səfər edəcək. İki lider may ayında Soçidə baş tutan görüşdən sonra ilk dəfə bir araya gələcəklər.

Ağalar Ağalarlı
Ordu.az