Ordu.az xarici KİV-lərə istinadən xəbər verir ki, bu barədə İsrail Baş naziri Benyamin Netanyahu çıxış edib.

O bildirib ki, İsrail 2030-cu ilə qədər özünün hərbi xərclərini 26 milyard dollara çatdırmağı planlaşdırır.

“İsrailin hərbi xərcləri 2030-cu ildə daha 7 milyard dollar artırılaraq 26 milyard dollara çatdırılacaq. Belə ki, bizim proqnozlarımıza əsasən, bu rəqəm həmin il üçün olan ümumdaxili məhsulun 6 faizini, ümummilli məhsulun isə 0,2-0,3 faizini təşkil edəcək”, - deyə o əlavə edib.

Qeyd edək ki, İsrailin hazırda hərbi xərcləri 19 milyard dollardır və bu rəqəm ümumdaxili məhsulun 5,6 faizinə bərabərdir.

Dəyanət Ağalarlı
Ordu.az