Ordu.az xarici KİV-lərə istinadən xəbər verir ki, bu barədə Pentaqon rəhbəri Ceyms Mettis Vyetnama səfər edərkən yolda jurnalistlərə verdiyi açıqlamasında bildirib.

“Biz Afrin əməliyyatının diqqəti İŞİD-lə mübarizədən yayındıracağından ehtiyat edirik. İŞİD hələ də məhv edilməyib. Biz bu məsələni Türkiyə ilə hərbi, xarici işlər nazirləri və prezidentlər səviyyəsində müzakirə edirik”, - deyə Mettis bildirib.

Onun sözlərinə görə, Vaşinqton öz mövqeyini Ankaraya açıq şəkildə bəyan edib və əməliyyatın zamanı, o cümlədən hüdudları məhdudlaşdırılmalıdır.

“Bütün bunlara baxmayaraq, biz hazırda diqqətimizi Fərat çayı boyunca davam edən sərt döyüşlərə yönəltməyə çalışırıq”, - deyə Pentaqon rəhbəri açıqlayıb.

Ağalar Qəribov
Ordu.az