Ordu.az xəbər verir ki, bu barədə Ermənistan KİV-ləri məlumat yayıb.

İddiaya əsasən, Samvel Karapetyan Alen Simonyanın 2026-cı il mayın 19-da “Facebook” və “TikTok” platformalarında onun barəsində səsləndirdiyi fikirləri açıq şəkildə təkzib etməsini tələb edir.

Simonyan həmin açıqlamasında bildirmişdi ki, hüquq-mühafizə orqanları başqa bir ölkənin kəşfiyyat xidmətinin əməkdaşı tərəfindən Ermənistanda siyasi partiya yaradılmasının və siyasətə qoşulmasının nə dərəcədə qanuni olduğunu araşdırmalıdır.

İddia ərizəsində tələb olunur ki, təkzib Alen Simonyanın “Facebook” və “TikTok” səhifələrində əlavə şərh verilmədən və ilkin paylaşım ilə eyni görünürlük səviyyəsində dərc edilsin.

Bundan başqa, Samvel Karapetyan böhtana görə kompensasiya kimi Alen Simonyandan 6 milyon dram məbləğində vəsaitin tutulmasını, həmçinin dövlət rüsumu və vəkil xidmətləri də daxil olmaqla məhkəmə xərclərinin ödənilməsini tələb edir.

Alpər Mövludoğlu
Ordu.az