Ordu.az xəbər verir ki, bu barədə ABŞ Silahlı Qüvvələrinin Yaxın Şərqdəki Mərkəzi Komandanlığı (CENTCOM) məlumat yayıb.

“Bu müdafiə xarakterli missiyaya verdiyimiz dəstək regional təhlükəsizlik və qlobal iqtisadiyyat üçün mühüm əhəmiyyət daşıyır, eyni zamanda biz dəniz blokadasını da dəstəkləyirik”, - deyə CENTCOM-un komandanı, admiral Bred Kuper bazar ertəsi bildirib.

Komandanlıqda qeyd edilib ki, ABŞ prezidentinin təşəbbüsü ilə həyata keçirilən bu missiya Hörmüz boğazından maneəsiz keçməyə çalışan ticarət gəmilərinə dəstək verəcək. Qeyd olunur ki, bu boğazdan dünya neft tədarükünün təxminən dörddə biri, eləcə də böyük həcmdə yanacaq və gübrə daşınır.

“Azadlıq” missiyasının hərbi dəstəyini idarəolunan raketlərlə təchiz edilmiş esmineslər, quruda və aviadaşıyıcılarda yerləşdirilmiş 100-dən çox təyyarə, çoxfunksiyalı pilotsuz platformalar və 15 min hərbi qulluqçu təmin edəcək”, - deyə CENTCOM bildirib.

ABŞ prezidenti Donald Tramp bazar günü bəyan edib ki, ABŞ bazar ertəsindən etibarən Hörmüz boğazında bloklanmış və oradan çıxmağa çalışan gəmilərə yardım göstərəcək.

Sevinc Əliyeva
Ordu.az