Ordu.az xəbər verir ki, bu barədə “Euractiv” nəşri yazıb.

Nəşrə görə, Ermənistan iki böyük sammitə hazırlaşır və keçmiş sovet respublikası ümid edir ki, bu tədbirlər onu Avropa inteqrasiyasına daha da yaxınlaşdıracaq, çünki İrəvan Rusiyanın təsirini ehtiyatla zəiflətməyə çalışır.

“İrəvan ilə onun ənənəvi müttəfiqi Moskva arasında münasibətlər son illərdə gərginləşib. Bu, qismən rus sülhməramlıların qonşu Azərbaycan ilə hərbi münaqişələr zamanı müdaxilə etməməsi ilə bağlıdır.

Gözlənilir ki, mayın 4-də onlarla avropalı lider Avropa Siyasi Birliyinin sammitində iştirak edəcək, ertəsi gün isə yüksək səviyyəli rəsmilərin iştirakı ilə Avropa İttifaqı-Ermənistan sammiti keçiriləcək.

2017-ci ildə Avropa ilə Asiya arasında yerləşən, üç milyon əhalisi olan ölkə Avropa İttifaqı ilə hərtərəfli tərəfdaşlıq sazişi imzalayıb və ticarət və digər sahələrdə əməkdaşlığı dərinləşdirib”, - deyə nəşr bildirib.

Müəllif qeyd edib ki, ötən il ölkə Avropa İttifaqına üzvlük üçün müraciət etmək niyyətini rəsmi şəkildə bəyan edən qanun qəbul edib.

“Mart ayında Ermənistana səfəri zamanı Avropa İttifaqının genişlənmə üzrə komissarı Marta Kos bildirib ki, “Ermənistan və Avropa İttifaqı heç vaxt bu qədər yaxın olmayıb”.

Ermənistan hökuməti getdikcə Moskvadan məsafə saxlayır və hakimiyyət orqanları hesab edir ki, Rusiya ölkənin daxili siyasətinə müdaxilə etməyə çalışır.

Lakin analitiklərin fikrincə, Rusiyanın Ermənistandan uzaqlaşması üçün səbəblər yoxdur. Gürcüstanda Rusiyanın təsiri ilə bağlı daxili siyasi gərginlik və Azərbaycanın Avropa və Türkiyə ilə əlaqələrini gücləndirməsi fonunda Ermənistan hələ də Qafqazda Moskvanın ən yaxın müttəfiqi olaraq qalır”, - deyə məqalədə vurğulanıb.

Alpər Mövludoğlu
Ordu.az