Ordu.az xəbər verir ki, bu barədə Netanyahu ictimaiyyətə müraciətində bildirib.

O, tərəflər arasında raket hücumlarının qarşılıqlı mübadiləsindən sonra etdiyi ilk açıq çıxışında atəşkəs ifadəsini işlətməkdən çəkinib.

“Hazırda atəş dayandırılıb. Çünki Tehran terror rejiminə zərbə endirdikdən sonra onlar da bizə hücum etməyi dayandırıblar. Əgər İranın terror rejimi səhvə yol verərək yenidən bizə hücum etsə, biz buna güclü cavab verəcəyik”, - deyə Netanyahu bildirib.

İsrail hökumət başçısının sözlərinə görə, Tehran Livandakı münaqişəni birbaşa İrandan veriləcək cavabla əlaqələndirərək “yeni qaydalar” formalaşdırmağa çalışıb.

“Onlar düşünürdülər ki, həm Livan, həm də İran ərazisindən İsrailə zərbələr endirə bilərlər və biz buna cavab verməyəcəyik. Bu baş vermədi və baş verməyəcək. Mənim rəhbərliyim dövründə əsla”, - deyə Netanyahu vurğulayıb.

Sevinc Əliyeva
Ordu.az