Ordu.az xəbər verir ki, bunu Rusiya prezidenti Vladimir Putin bildirib.

“Biz mütləq öz milli maraqlarımızı Arktikada qoruyacağıq və şübhəsiz ki, qoruyacağıq”, - deyə Putin Rusiya hökumət üzvləri ilə videokonfrans formatında keçirilən müşavirədə bildirib.

Prezidentin fikrincə, Transarktik nəqliyyat dəhlizinin əhəmiyyəti qlobal nəqliyyat zəncirlərindəki pozuntular şəraitində aydındır.

“Şimal transarktik marşrutunun daha təhlükəsiz, etibarlı və səmərəli yol kimi əhəmiyyəti, dünya nəqliyyat zəncirlərində çoxsaylı münaqişələrdən qaynaqlanan pozuntular fonunda getdikcə daha aydın görünür, bunların arasında indi gördüyümüz kimi, Yaxın Şərq də var”, - deyə Putin qeyd edib.

Rusiya prezidentinin sözlərinə görə, Arktikanın inkişafı istiqamətində dövlət qurumları və idarələrin səylərinin əlaqələndirilməsi vacibdir.

“Dövlət Şurasının profil komissiyası, dəniz kollegiyası, “Rosatom” dövlət korporasiyası, aparıcı inkişaf institutumuz VEB və digər qurumlar. Çox vacibdir ki, onların səyləri həm federal, həm də regional səviyyələrdə dəqiq əlaqələndirilsin. Arktikada planlaşdırılan proqramlar və investisiya layihələri isə bir-biri ilə bağlı olsun”, - deyə Putin əlavə edib.

Sevinc Əliyeva
Ordu.az