Ordu.az xəbər verir ki, bu barədə Ermənistanın “Sisakan” dəstəsinin komandiri, ehtiyatda olan erməni polkovnik, “Vardaşen” cəzaçəkmə müəssisəsinin məhbusu Aşot Minasyan bildirib.
“Qatırlar sürü halında yaşamır, sürünü yalnız nəcib cins atlar təşkil edir. Qatırların damarlarında yarı-yarıya eşşək qanı var. Eşşəklər isə bir-birinə hörmət və dözümlülük göstərməyi bacarmır, sürü təşkil etmir. Oğlanlar, nəhayət anlayın ki, qatır sizsiniz, xalq isə qatır deyil. Bizim xalqın qanında ari qanı var, xalq artıq çoxdan anlayıb ki, siz kimsiniz”, - deyə o qeyd edib.
Minasyan, həmçinin bildirib: “Mən bunu niyə xatırladım, çünki siz ölkəmizi oyun meydanına çevirdiniz. Təkcə oyun meydanına çevirmədiniz, oyunu bizim yarı sahəmizə də gətirdiniz. İndi türk qol vurur, azərbaycanlı qol vurur, amerikalı qol vurur, siz özünüz də bizə qol vurursunuz və qapıçımız da yoxdur. Sizin məşqçiniz də türkdür.
Oğlanlar, siz nə vaxt ayılacaqsınız və anlayacaqsınız ki, sizin sıfır nöqtəniz çoxdan mənfi sonsuzluğa yuvarlanır. Siz bütün xalqın başına məğlubiyyətçi siyasət dolamaq və milləti kölə təfəkkürlü, cəsarətsiz, zəif, onurğasız, iradəsiz etmək istəyirsiniz. Qələbə və məğlubiyyətin neyrokimyası sizin tipinizi belə izah edir: “Yüksək serotonin və aşağı oktopamin qalibi, yüksək oktopamin və aşağı serotonin isə məğlubu xarakterizə edir”. Sizin tipdə serotonin yoxdur, siz tamamilə oktopamindən ibarətsiniz.
Siz nə etdiniz, oğlanlar, nə etdiniz.
Robert Qrin vaxtilə yazmışdı: “Xərçəng bir hüceyrədən başlayır, onu vaxtında aradan qaldırmaqla xəstəni xilas etmək olar”. Oğlanlar, xərçəng törədən hüceyrələrinizi aradan qaldırın və hamımızın bədənini və ruhunu bu və buna bənzər xəstəliklərdən azad edin. Bizim bədənimiz dövlətdir və biz onu sağlam, saf və təmiz saxlamalıyıq. Səkkiz il ərzində bədənimizə baxmayaraq, imkan verdik ki, onu şikəst etsinlər, yaralasınlar, infeksiyalar yaysınlar, yaralar açsınlar və zəiflətsinlər. Amma unutmayın, oğlanlar, bizim beynimiz sağlamdır və qalır ki, onu yuxudan oyadıb bədənimizi idarə edək.
Siz nə etdiniz, oğlanlar, nə etdiniz...”
Alpər Mövludoğlu
Ordu.az
