Ordu.az xarici KİV-lərə istinadən xəbər verir ki, 4 Niderland F-35-i dekabrın əvvəlindən Estoniyadakı “Ämari” aviabazasında yerləşdirilib.

Bu günə qədər ümumilikdə 22 Rusiya təyyarəsi aşkar edilərkən, Niderland Müdafiə Nazirliyi 12-ci dəfədir ki, döyüş təyyarələrinin bu şəkildə hərəkətə keçdiyini açıqlayıb.

Bu təyyarələr bu ayın sonuna qədər NATO hava məkanını qorumaq üçün buradadır və həmçinin NATO ərazisinin şərq sərhədindəki vəziyyəti izləyir. F-35 təyyarələrinin yerləşdirilməsini 90-150 hərbi qulluqçu müşayiət edir.

Qeyd edək ki, Rusiyanın 2014-cü ildə Krımı ilhaq etməsindən və 2022-ci ildə Ukraynanın bəzi hissələrini ələ keçirməsindən sonra Baltik dənizi Avropanın geosiyasi baxımdan ən həssas dəniz regionlarından birinə çevrilib. NATO dənizaltı infrastruktura qarşı mümkün hərbi hücumların və təxribat cəhdlərinin qarşısını almaq üçün bölgədə hava və dəniz yerləşdirməsini artırıb.

Sevinc Əliyeva
Ordu.az