Ordu.az “Tasnim” agentliyinə istinadən xəbər verir ki, bunu Tehran Polis İdarəsi cinayət işi üzrə istintaq qrupunun rəhbəri Məhəmməd Şəhriyari bildirib.

Onun sözlərinə görə, şübhəlilər məhkəmə-texniki ekspertizadan sonra həbs ediliblər: “İlkin istintaq zamanı onlar Əmir Məhəmməd Xaleqini qarət edib öldürdüklərini etiraf ediblər”.

Tələbənin qatilinin tapılması tələbi ilə Tehran Universiteti tələbələri bir neçə gün etiraz aksiyası keçirib.

Ə.M.Xaleqinin atası deyib: “Biz siyasətlə məşğul deyilik. Ancaq qatillərin cəzalandırılmasını tələb edirik”.

Bir neçə gün öncə Tehran Universitetinin 19 yaşlı tələbəsi Əmir Məhəmməd Xaleqi gecə saatlarında qətlə yetirilmişdi.

Ordu.az