Ordu.az xəbər verir ki, GPDP tərəfindən verilən yazılı açıqlamada “DeepSeek” çatbot xidmətini təmin edən “Hangzhou DeepSeek” SZ və Pekin “DeepSeek” SZ şirkətlərindən məlumat tələb edildiyi bildirilib.

Açıqlamada deyilir ki, sözügedən Çin SZ tətbiqlərindən hansı şəxsi məlumatların, hansı mənbələrdən, hansı məqsədlərlə və hansı qanuni formada toplandığını yoxlamaq istənilib.

Bu tələbin məqsədinin toplanan məlumatların Çindəki serverlərdə saxlanıb-saxlanmadığını və İtaliyada milyonlarla insanın məlumatlarının risk altında olub-olmadığını aydınlaşdırmaq olduğu ifadə edilib.

Bildirilib ki, GPDP sözügedən şirkətlərə şəxsi məlumatları hansı mənbələrdən topladıqlarını aydınlaşdırmaq üçün 20 gün müddət verib.

Sevinc Əliyeva
Ordu.az