Ordu.az Türkiyə KİV-lərinə istinadən xəbər verir ki, Cənubi Kiprin müdafiə naziri Vasilis Palmas İsrailin ölkəsindəki bazalardan istifadə etmək imtiyazına malik olacağını bildirib.

“Yunanlar bizim qardaşımız ola bilər, amma İsrail bizim qonşumuzdur. İsraillilər tamamilə bizim tərəfimizdədirlər. Onlar üç dəqiqəyə Kiprə gələ bilərlər”, - deyə o qeyd edib.

Palmas Yunanıstanın “RealNews” qəzetinə verdiyi müsahibədə Pafos şəhərində ABŞ tərəfindən təmir edilməsi planlaşdırılan “Andreas Papandreu” aviabazası və hazırda Mari (Tatlısu) bölgəsində inşası davam edən “Mari” dəniz bazası haqqında məlumat paylaşıb.

Palmas, sözügedən bazaların ABŞ, eləcə də Avropa İttifaqı, İsrail, Misir, İordaniya və Cənubi Kiprə dost olan digər ölkələrin istifadəsinə veriləcəyini qeyd edib, İsrailin Pafosdakı aviabazada imtiyaz sahibi olacağını vurğulayıb.

Sevinc Əliyeva
Ordu.az