Mnatsakanyan və Lavrov arasında keçirilən telefon danışıqları, xüsusən, inteqrasiya birliyinə faktiki olaraq təsir edən 1 mart hadisələrində Ermənistanda baş verən hadisələr baxımından önəmlidir.
Məsələ burasındadır ki, KTMT Baş katibi Yuri Xaçaturov da məhkəmə qərarı ilə 2008-ci il 1 mart işi ilə bağlı Ermənistanda konstitusiya quruluşunu dəyişməkdə ittiham olunub. Ermənistan istintaq komitəsinin açıqlamasına görə Xaçaturov "öncədən razılaşma" ilə ikinci prezident Robert Köçəryanla bərabər konstitusiya quruluşunu devirməyə cəhd etməkdə ittiham olunur.
1 mart hadisəsi əsasən Ermənistanda güclü bir dövr quruluşu ilə bağlıdır. Bununla yanaşı seçki dövründə Ermənistan hökumətinin əsas sponsoru daim Rusiya olaraq nəzərdən keçirilirdi. Buna görə, ən azı 2007-2008-ci illlər dövründə və ondan sonrakı proseslərə görə Rusiyanın nə dərəcə də məsuliyyət daşıdığına dair sual yaranır. Nəticə olaraq, Ermənistanda bir ifşa prosesi varsa, Moskva məsuliyyəti baxımından bu məsələlərə biganə qala bilməz.
Digər tərəfdən, Nikol Paşinyan birbaşa intensivlik, qarşılıqlı etimad və səmimiyyətlə Ermənistan-Rusiya münasibətlərinin təməl formatını yaratmaq üçün çalışırsa, Ermənistanın yeni hökuməti belə bir addım ata bilərdimi? Maraqlıdır, Ermənistanın ikinci prezidentinin həbs edilməsindən bir gün qabaq, Paşinyan Rusiyanın "Exo Moskva" radiostansiyasına verdiyi müsahibədə Putinlə təmasın əvvəlcədən düşündüyündən olduqca daha asan olduğunu, Putinin açıq və dürüst müttəfiq olduğunu bildirib.
Bu "açıq" və "səmimi" söhbətlər zamanı 1 mart hadisələrinin müzakirə olunduğunu bilmək maraqlıdır. Görəsən, Putin Paşinyanın dediyi kimi bir o qədər yumuşaq, nəzakətli olubmu?...
Alpər Mövludoğlu
Ordu.az 
