Ordu.az xarici KİV-lərə istinadən xəbər verir ki, bu barədə MBDA-nın hərbi məsləhətçisi və Fransa QQ-nin sabiq polkovniki Fransis Bordaçar danışıb.

O bildirib ki, yeni nəsil quru döyüş raket sistemi olan “Missile Moyenne Portee” tamamilə yenidir və onun heç bir ekvivalenti yoxdur.

Yeni sistem kompaniyanın sərgisində nümayiş etdirilib. O, şirkətin MILAN, “Lockhed Martin və “Raytheon”un “Javelin” sistemlərini əvəzləyəcək.

Sistem tamamilə Fransa istehsalıdır və ötən ilin oktyabrında Fransa ordusunda istifadəyə verilib. Bordaçarın sözlərinə görə, artıq Yaxın Şərq yeni sistemi diqqətə almağa başlayıb.

O, körfəz ölkələrinin sistemə olan maraqlarını ifadə etdiyini və kompaniyaya Bəhreyn xüsusi təyinatlı qüvvələri tərəfindən baş çəkildiyini qeyd edib.

Ağalar Ağalarlı
Ordu.az