Ordu.az xəbər verir ki, Azərbaycana iri həcmli silah idxal edən ölkələr arasında birinci yerdə İsrail (137 milyon dollar), ikinci yerdə Rusiya (128 milyon dollar) yer alır.

Rusiyadan silah idxalı

SIPRI-nın məlumatına görə, 2017-ci ildə Rusiyadan idxal edilən silahlar.

TOS-1 ağır artilleriya (2011-ci ildə 36 ədəd sifariş edilib. 2013-2017-ci illərdə tədarük edilib);

BTR-82A IFV (2016-cı ildə 70 ədəd sifariş edilib. 2017-ci ildə 40 ədəd tədarük edilib);

9M123/AT-15 “Xrizantema-U” tankəleyhinə raketləri üçün (2017-ci ildə 800 ədəd sifariş və tədarük edilib);

9P157-2 “Xrizantema-U” tankəleyhinə raket kompleksi (2017-ci ildə 24 ədəd sifariş və tədarük edilib);

Azərbaycan Respublikası Müdafiə Nazirliyi qeyd olunanlardan BTR-82 A zirehli maşınlarının və “Xrizantema-U” tankəleyhinə raket kompleksi sistemlərinin alınması və tədarükü barədə məlumat verib.

Azərbaycan 2017-ci ildə SIPRI bazasına daxil edilməyən Rusiyadan alınmış "TOS-1A" ağır artilleriya üçün raketləri nümayiş etdirib. Rusiyanın Beynəlxalq silah ticarətinin təhlili mərkəzinin (ЦАМТО) verdiyi məlumata görə, Azərbaycan Rusiyadan 24 ədəd ağır artilleriya “TOS-1A” alıb.

Qeyd edək ki, Azərbaycan Ordusu aprel döyüşləri zmanaı erməni işğalçılarının əks-hücumlarının qarşısını almaq üçün düşmənin hərbi obyektlərinə qarşı “TOS-1A” “Solntsepyok” ağır reaktiv odsaçanlardan istifadə edib.

İsraildən silah idxalı

SIPRI-nın məlumatında görə 2017-ci ildə İsraildən idxal edilən silahlar.

OPV-62 markalı gözətçi gəmiləri (4 ədəd 2015-2017-ci illərdə tədarük edilib);
"Spike" tankəleyhinə raket kompleksləri gəmilər üçün (215 ədəd 2014-2017-ci illərdə tədarük edilib);

Orbiter-1K pilotsuz uçuş aparatları, Azərbaycanda yığılan “Zərbə” adlı növləri (40 ədəd 2016-2017-ci illərdə tədarük edilib);

Özüyeriyən artilleriya - Çexiya, Slovakiya

SIPRI mərkəzinin məlumatına görə, 2017-ci ildə Azərbaycan Çexiyadan 3 milyon dollar, Slovakiyadan 12 milyon dollar dəyərində silah idxal edib. Bununla da Azərbaycan Çexiyadan 10 ədəd 122 mm-lik RM-70 yaylım atəşli reaktiv sistem, Slovakiyadan isə 18 ədəd 152mm-lik DANA özüyeriyən artilleriya kompleksi idxal edib.

RM-70 kompleksləri ilk öncə İsrailə, oradan Azərbaycana göndərilib.
SIPRI-nın məlumatına görə, özüyeriyən artilleriya sistemləri isə Azərbaycana 3-cü ölkənin vasitəsilə göndərilib və bu 3-cü ölkənin adı naməlumdur.

Xatırladaq ki, bu sistemlər ölkəmizdə 2017-ci ilin sentyabr ayında keçirilən təlimlər zamanı nümayiş etdirilib. Beləliklə, SIPRI-nın hesabatına görə, 2017-ci ildə Azərbaycan İsrail, Rusiya, Slovakiya və Çexiyadan 279 milyon dollarlıq silah alıb.

Əlavə edək ki, bu struktur müntəzəm olaraq hesablamaları yeniləyir.

Əgər 2017-ci ildə nəşr olunan hesabatda, 2016-cı ildə Azərbaycanın 257 milyon dollar dəyərində silahlanma idxal etdiyi qeyd edilirdisə, artıq bu hesabatda 2016-cı ildə Bakının 272 milyon dollarlıq silah idxal etdiyi qeyd olunur.

Əlavə edək ki, 2017-ci ildəki təchizatçılar siyahısında, 2016-ci ilin siyahısından fərqli olaraq Türkiyə qeyd edilməyib.

Alpər Mövludoğlu
Ordu.az