Ordu.az xəbər verir ki, bunu erməni politoloq Suren Surenyants sosial şəbəkədəki paylaşımında yazıb.

Surenyants iddia edib ki, Nikol Paşinyan TRIPP (Zəngəzur dəhlizi-red.) proqramı çərçivəsində Zəngəzuru ABŞ-yə təhvil verib və bununla da Amerika hərbçilərinin Araz çayı və İran-Ermənistan sərhədi istiqamətinə gəlməsinə şərait yaradır.

Erməni politoloqun sözlərinə görə, bu addım Ermənistan-İran münasibətlərinin zəifləməsinə səbəb olacaq. O xatırladıb ki, İran dəfələrlə Zəngəzur dəhlizinə qarşı olduğunu bəyan edib.

“Paşinyan komandası hakimiyyətdə qalmaq və maliyyə maraqları naminə seçkiləri saxtalaşdırıb. Qərb bu seçkiləri Ermənistan-Rusiya və Ermənistan-İran münasibətlərinin zəiflədilməsi şərti ilə tanıyıb.

“Vətəndaş Müqaviləsi” partiyası Ermənistanı Rusiya və İrana qarşı yönəlmiş qərbyönümlü platformaya çevirir. Bunun nəticələri ağır olacaq və yaxın vaxtlarda Ermənistan vətəndaşları, o cümlədən Paşinyanın komandasına səs vermiş şəxslər də bunu hiss edəcəklər. Ermənistanı mövcud vəziyyətdən yalnız müxalifət xilas edə bilər”, - deyə Surenyants qeyd edib.

O, ümummilli mübarizənin başlanmasını və deputat mandatlarından imtina edilməsini yeganə çıxış yolu kimi qiymətləndirib.

Alpər Mövludoğlu
Ordu.az