Ordu.az xəbər verir ki, bu barədə Avropa İttifaqının genişlənmə məsələləri üzrə komissarı Marta Kos bildirib.

Onun sözlərinə görə, yeni qaydalar Ukrayna və Moldovanı da əhatə edə bilər.

“Bu, üzvlük sazişlərinin yeni nəsli olacaq və burada yeni qoruyucu təminatlar yer alacaq. Həmin mexanizmlər sizin qeyd etdiyiniz məsələni, yəni veto hüququnun tətbiq edilməməsini təmin etməyə imkan verəcək ki, yeni üzvlərin hətta 5, 10 və ya 15 il sonra da Avropa qaydalarına əməl etdiyinə əmin olaq”, - deyə Kos bildirib.

O, bu fikirləri Ukraynanın üzvlük əldə etdikdən sonra veto hüququndan nəzarətsiz şəkildə istifadə edə biləcəyi ilə bağlı narahatlıqlara cavab olaraq səsləndirib.

Xatırladaq ki, 2022-ci ilin iyununda Avropa İttifaqı Ukrayna və Moldovaya namizəd ölkə statusu verib.

Aİ rəsmiləri dəfələrlə etiraf ediblər ki, həmin qərar əsasən simvolik xarakter daşıyıb və məqsəd Kiyev və Kişinyova Moskva ilə qarşıdurmada siyasi dəstək göstərmək olub.

Sevinc Əliyeva
Ordu.az