Ordu.az xəbər verir ki, bu barədə Almaniyanın Azərbaycandakı səfiri Ralf Horlemann azərbaycanlı jurnalistlərlə vida görüşündə bildirib.

Onun sözlərinə görə, Azərbaycan neftinin idxalından əlavə, üç Almaniya şirkəti artıq Azərbaycan Dövlət Neft Şirkəti (SOCAR) ilə qaz tədarükünə dair müqavilələr bağlayıb.

Diplomat qeyd edib ki, iki ölkə arasında boru kəməri əlaqəsinin olmadığı üçün Almaniya Azərbaycan qazını birbaşa almır.

"Bununla belə, Azərbaycanın Avropa İttifaqına tədarük etdiyi qaz əsasən İtaliyaya daxil olur və daha sonra vahid Avropa enerji bazarında reallaşdırılır. Ölkələr və enerji şirkətləri arasında müxtəlif svop əməliyyatları sayəsində Almaniya Azərbaycan qazını, əsasən İtaliya və Avstriya ilə mübadilə əqdləri vasitəsilə dolayısı ilə istehlak edir", - Horlemann deyib.

Onun sözlərinə görə, bu, Avropa enerji bazarının sabitləşməsinə töhfə verir və Rusiya-Ukrayna münaqişəsinin başlamasından və Hörmüz boğazı vasitəsilə gəmiçilikdə yaranan fasilələrdən sonra onun üzərinə düşən yükü azaltmağa kömək edir.

Səfir həmçinin qeyd edib ki, Almaniya və Azərbaycan arasında ticarət əlaqələri balanslaşdırılmış olaraq qalır.

"Azərbaycanın Almaniyaya ixracının əsasını neft təşkil edir, Almaniya isə Azərbaycana maşınlar, avadanlıqlar, elektronika və avtomobillər tədarük edir", - o əlavə edib.

Ordu.az