Ordu.az xəbər verir ki, bu barədə Ermənistanın “Joğovurd” qəzeti yazıb.

Nəşrin məlumatına görə, İrəvan meriyası tərəfindən Qaqik Tsarukyana məxsus “Multi Wellness” şirkətinə tikinti hüququ müqaviləsindən imtina edilməsi ilə bağlı bildiriş göndərilib.

Qeyd olunur ki, şirkətə bir ay müddətində torpaq sahəsini və tikilini İrəvan icmasına geri qaytarması barədə xəbərdarlıq edilib.

“Şəhər dairələrində artıq “Multi Wellness” işinin yalnız başlanğıc olduğu ilə bağlı müzakirələr aparılır”, - deyə nəşr yazıb.

Qəzet xatırladıb ki, prokurorluq da Tsarukyana məxsus “Araratsement” müəssisəsinin dövlət nəzarətinə keçirilməsi prosesinə başlayıb.

Alpər Mövludoğlu
Ordu.az