Ordu.az xəbər verir ki, bu barədə “Tehran Times” nəşri məlumat yayıb.

“İran regionda ümumi anlaşmanın formalaşdırılması və yeni təhlükəsizlik arxitekturasının yaradılması üçün Pakistan, Qətər, Səudiyyə Ərəbistanı, Misir və Türkiyə də daxil olmaqla islam ölkələrinə dostluq əli uzadır. İslam ümmətinin birliyi mövcud çağırışlar qarşısında həlledici əhəmiyyət daşıyır”, - Pezeşkian Pakistanın Baş naziri Şahbaz Şəriflə görüşü zamanı bildirib.

İran Prezidenti qeyd edib ki, liderlərin siyasi iradəsi və iki ölkənin qarşılıqlı dəstəyi ikitərəfli münasibətləri iki böyük müsəlman dövlətinə layiq səviyyəyə yüksəldə bilər.

O həmçinin son hadisələrin ticarət-iqtisadi əlaqələrin gücləndirilməsi istiqamətində ciddi qətiyyət nümayiş etdirdiyini vurğulayıb.

Pezeşkian əlavə edib ki, səfər çərçivəsində aidiyyəti nazirlər texniki maneələrin aradan qaldırılması və əvvəllər əldə olunmuş razılaşmaların icrası məqsədilə səmərəli danışıqlar aparıblar. Bu danışıqlar konstruktiv nəticələr verib.

Sevinc Əliyeva
Ordu.az