Ordu.az xəbər verir ki, bu barədə o, “X” sosial şəbəkəsində paylaşım edib.

Qəribabadi ABŞ Silahlı Qüvvələrinin Mərkəzi Komandanlığının (CENTCOM) Vaşinqtonun hərəkətlərini “özünümüdafiə” kimi təqdim edən açıqlamalarını şərh edib. İranlı diplomat qeyd edib ki, bu cür ifadələrin hüquqi əsası yoxdur.

Onun sözlərinə görə, beynəlxalq hüquqda təcavüzkar dövlət istifadə etdiyi terminləri dəyişməklə öz hərəkətlərinin nəticələrindən yayınmaq imkanına malik deyil. Qəribabadi vurğulayıb ki, hərbi təcavüz söz manipulyasiyası ilə qanuni xarakter qazanmır.

İran rəsmisi əlavə edib ki, ölkənin silahlı qüvvələri istənilən təcavüzə qətiyyətlə cavab verməyə hazırdır və dövlət ərazisinin hər qarışını müdafiə edəcək.

O həmçinin xəbərdarlıq edib ki, qeyri-qanuni və təhlükəli addımların bütün nəticələrinə görə məsuliyyət ABŞ-nin və bu fəaliyyətlərdə iştirak edən, onları dəstəkləyən və ya yardım göstərən tərəflərin üzərinə düşəcək.

Sevinc Əliyeva
Ordu.az