Ordu.az xəbər verir ki, bu barədə Ermənistanın “Joğovurd” nəşri yazıb.
Nəşrin məlumatına görə, hadisədən sonra ona terrorizm maddəsi ilə ittiham irəli sürülüb.
“Joğovurd” qəzetinin məlumatına əsasən, Raffi Mandalyan hüquq-mühafizə orqanlarına verdiyi ifadədə bu addımını dərin qəzəb və məyusluq hissi ilə izah edib. Onun sözlərinə görə, ölkənin təhlükəsizlik vəziyyəti onu ciddi narahat edir, cəmiyyətdə bu məsələ ətrafında müşahidə olunan laqeydlik və susqunluq isə narahatlığını daha da artırıb.
Mandalyan bildirib ki, bu hərəkəti ilə “hamının laqeyd olmadığını” göstərməyə çalışıb. Onun məqsədi, öz ifadəsi ilə desək, ictimai susqunluğu qırmaq və vətəndaşların bir hissəsinin ölkənin gələcəyindən ciddi şəkildə narahat olduğuna diqqət çəkmək olub.
Mənbələrin bildirdiyinə görə, o, insan itkilərini istisna etmək və eyni zamanda mesajının ictimailəşməsini təmin etmək məqsədilə qəsdən MTX-nin inzibati binasına qeyri-iş saatlarında gedib.
Öz açıqlamasına görə, o, “özünü qurban verməyə hazır olaraq” bu addımı atıb ki, fikirləri ictimaiyyətə çatsın.
“Hamı ölkənin taleyinə qarşı laqeyd deyil”, - deyə Mandalyan bildirib.
“Diqqətçəkən məqamlardan biri də odur ki, şüşələri atdıqdan sonra Raffi Mandalyan hadisə yerindən qaçmağa cəhd etməyib. O, küçədə qalaraq hüquq-mühafizə orqanlarının gəlməsini gözləyib.
Məhkəmədə də o, narahatlıqlarını dilə gətirərək iştirakçılara belə müraciət edib: “Ölkə təhlükə altındadır, məgər siz narahat olmursunuz?”.
Müdafiə tərəfi yuxarı prokurora, İnsan Hüquqları Müdafiəçisinə və digər qurumlara çoxsaylı şikayətlər təqdim edib. Lakin məlumatlara görə, istintaq orqanı hətta yuxarı prokurorun cavabını almadan tələsik şəkildə ibtidai istintaqın başa çatdığını elan edib.
Bundan əlavə, Raffi Mandalyanın atası da hüquq-mühafizə orqanlarına müraciət edərək oğluna qarşı sərt yanaşma göstərilməməsini xahiş edib. O vurğulayıb ki, terrorizm ittihamı onun üçün son dərəcə ağır nəticələr doğura bilər. Lakin etirazlar və atasının müraciəti, faktiki olaraq, cavabsız qalıb.
Həbs olunan Raffi Mandalyan hazırda “Nubaraşen” cəzaçəkmə müəssisəsində saxlanılır. O, ixtisasca baytardır”, - deyə nəşr bildirib.
Alpər Mövludoğlu
Ordu.az
