Ordu.az xəbər verir ki, Vardevanyan müraciətində Paşinyanın seçkiqabağı kampaniya zamanı müxalifətə qarşı səsləndirdiyi bəzi ifadələri xatırladıb.

O, Paşinyanın “siz qorxaq hamballarsınız”, “hamınızı diz çökdürəcəyəm”, “maskalarınızı bir-bir yerinizə soxacağam” kimi ifadələr işlətdiyini qeyd edib.

Vardevanyanın fikrincə, bu ifadələr Ermənistan Cinayət Məcəlləsinin bir neçə maddəsi üzrə cinayət tərkibi yaradır.

O bildirib ki, burada zorakılığa açıq çağırış, psixoloji təzyiq, nifrət, ayrı-seçkilik, dözümsüzlük və düşmənçiliyin təşviqi əlamətləri mövcuddur.

Vardevanyan baş prokurora ünvanladığı müraciətdə vurğulayıb ki, Nikol Paşinyan vəzifəsindən irəli gələn təsir imkanlarından istifadə edərək insanların milli mənsubiyyətinə, siyasi və digər baxışlarına görə zorakılığa açıq şəkildə haqq qazandırıb.

Alpər Mövludoğlu
Ordu.az