Ordu.az xəbər verir ki, bu barədə “CBS News” yerli hakimiyyət orqanlarına istinadən məlumat yayıb.

Məlumata görə, onun köməkçilərindən biri də hücum zamanı həyatını itirib.

Roqers Deviya və əməkdaşı Eder Kardonanın öldürülməsi regionda siyasi zorakılığın növbəti epizodu hesab olunur. Bildirilir ki, həmin ərazi ABŞ hökuməti tərəfindən terrorçu elan edilən iki qruplaşmanın, eləcə də vaxtilə Kolumbiyanın İnqilabi Silahlı Qüvvələrinin (FARC) tərkibində olmuş parçalanmış silahlı qrupun nəzarəti altındadır.

Məlumata əsasən, Deviya silahlıların hücumu nəticəsində Kubarral kəndində öldürülüb. O, 2020-2023-cü illərdə ölkə paytaxtı Boqotadan 105 mil cənubda yerləşən bu şəhərə rəhbərlik edib.

Qeyd olunub ki, Kolumbiyada prezidentliyə namizəd De la Espriyelya Milli Xilas Hərəkatını təmsil edir.

Xalq Müdafiəçisi Ofisi bəyan edib ki, bu qətllər Kolumbiyada mayın 31-də keçiriləcək prezident seçkiləri öncəsi “siyasi hüquqların həyata keçirilməsi və demokratik iştirak” prosesinə zərər vura bilər.

Seçkilərdə azı altı namizəd iştirak edəcək. Onların arasında kiçik sol partiyaların iki nümayəndəsi də var. Namizədlərdən heç biri səslərin 50 faizini toplaya bilməsə, iyunda iki əsas namizəd arasında ikinci tur keçiriləcək.

Kolumbiyanın daxili işlər naziri Armando Benedetti bildirib ki, istintaq orqanları hücumun səbəbini hələ müəyyən edə bilməyib.

Nazir əlavə edib ki, yaxın vaxtlarda polis həmin şəhərdə prezidentliyə digər namizəd Paloma Valensiyanın əməkdaşına qarşı planlaşdırılan hücumun qarşısını alıb.

Sevinc Əliyeva
Ordu.az