Ordu.az xəbər verir ki, keçirilən sınaq nəticəsində sistemin itkələməinfrastrukturu və ümumi performans imkanlarının təsdiqləndiyi bildirilib.

Şirkətin yeni amerikalı sahibi “Ondas Inc.” tərəfindən NATO-nun şərq cinahı və müttəfiq ixrac bazarları üçün “suveren İngiltərə hücum qabiliyyəti” kimi təqdim edilən “SkyLance”ın xüsusilə radioelektron mübarizə təhlükəsinin yüksək olduğu müasir əməliyyat mühitləri üçün hazırlandığı qeyd olunub.

“Rotron Aerospace” tərəfindən yayılan məlumata görə, sınaq prosesi şirkətin yaxın zamanda Nasdaqda əməliyyat aparan texnologiya holdinqi “Ondas Inc.” tərəfindən alınmasından sonra həyata keçirilib.

“Rotron”un baş direktoru Aleks Head bildirib ki, “SkyLance”ın uğurlu nümayişi müasir əməliyyat mühitləri üçün uzaqmənzilli və aşağı xərcli imkanlar təqdim etmək qabiliyyətini təsdiqləyib.

O həmçinin qeyd edib ki, şirkət miqyaslana bilən sistemlərin hazırlanmasına fokuslanıb və “Ondas” tərəfdaşlığı sayəsində inkişaf, istehsal və təhvil prosesləri sürətləndirilib. Məqsəd Britaniya və müttəfiq bazarlardan gələn artan tələbatı qarşılamaqdır.

Radioelektron mübarizəyə qarşı hazırlanıb

“SkyLance” müdafiə sənayesində son dövrlərdə “kamikadze pilotsuz uçuş aparatı” əvəzinə istifadə olunan kamikadze sistemi kateqoriyasına daxildir.

Platformanın GPS siqnallarının bloklandığı və güclü radioelektron maneələrin olduğu mühitlərdə uzaqmənzilli dəqiq hücumlar həyata keçirmək məqsədilə hazırlandığı bildirilib.

Sistemin mərkəzində “Rotron” tərəfindən Britaniyada hazırlanan xüsusi itələmə texnologiyasının yer aldığı qeyd olunur. Şirkət bu infrastrukturun ənənəvi turbin və pistonlu mühərrik sistemləri ilə müqayisədə mənzil, havada qalma müddəti və səmərəlilik baxımından mühüm üstünlüklər verdiyini iddia edir.

Bu sayədə platformanın daha uzaq məsafələrdə əməliyyat həyata keçirərkən aşağı xərcli və itirilməsi qəbul edilə bilən əməliyyat profili təqdim etdiyi vurğulanır.

Lakin sistemin dəqiq mənzili, daşıdığı döyüş başlığının tutumu və istifadə edilən mühərrik tipi barədə rəsmi texniki məlumat paylaşılmayıb.

NATO-nun şərq cinahı hədəflənir

Müasir müdafiə terminologiyasında “attritable”, yəni itirilməsi qəbul edilə bilən sistemlər döyüş mühitində itkisi kritik maliyyə və ya əməliyyat nəticələri doğurmayan, kütləvi istehsalla yüksək sayda sahəyə çıxarıla bilən və sərf edilə bilən platformalar anlamına gəlir.

Xüsusilə Ukrayna müharibəsində genişmiqyaslı pilotsuz uçuş aparatı hücumlarının davamlılığının yalnız performansdan deyil, həm də istehsal iqtisadiyyatından asılı olduğu görüldükdən sonra aşağı xərcli uzaqmənzilli zərbə sistemlərinə maraq ciddi şəkildə artıb.

Bu çərçivədə “SkyLance”ın qısa mənzilli kommersiya mənşəli pilotsuz uçuş aparatları ilə yüksək xərcli qanadlı raketlər arasında mühüm əməliyyat boşluğunu doldurmağı hədəflədiyi qiymətləndirilir.

“Rotron”un xüsusilə GPS-in sıradan çıxarıldığı və radioelektron mübarizə təzyiqinin yüksək olduğu mühitlərə diqqət yetirməsi diqqət çəkir. Ukraynadakı müharibədə Rusiyanın radioelektron mübarizə sistemlərinin GPS əsaslı pilotsuz uçuş aparatı yönləndirmələrinə ciddi təsir göstərə bilməsi Qərb müdafiə şirkətlərini alternativ naviqasiya və avtonom nişanalma infrastrukturları hazırlamağa yönəldib.

Şirkətin açıqlamasına görə, “SkyLance”ın malik olduğu avtonom naviqasiya və nişanalma imkanları NATO-nun şərq cinahında formalaşan yeni uzaqmənzilli hücum konsepsiyalarına uyğun quruluş təqdim edir.

Sevinc Əliyeva
Ordu.az