Ordu.az xəbər verir ki, nəşr Ermənistanın baş naziri Nikol Paşinyanın Rusiya prezidenti Vladimir Putinin “yumşaq, ağıllı və qarşılıqlı faydalı boşanma” ilə bağlı təklifini rədd etdiyini qeyd edib.

Müəllif yazıb ki, mətbuat konfransı zamanı Paşinyan Ermənistanın Avropa İttifaqı ilə daha yaxın əlaqələr və Rusiya rəhbərlik etdiyi Avrasiya İqtisadi Birliyinə üzvlük arasında seçim etməli olduğu fikrini də qəbul etməyib.

“Bundan əvvəl Putin Ermənistana belə bir səsvermə keçirməyi təklif etmişdi ki, ölkə Avropa İttifaqı ilə daha yaxın münasibətlər qursun, yoxsa Moskvanın iqtisadi orbitində qalsın. O, nəticələrə əsasən Rusiya tərəfindən nəticə çıxarılacağını da xəbərdar etmişdi”, - deyə məqalədə bildirilib.

Nəşr vurğulayıb ki, son hadisələr bir neçə aydır artan gərginlik fonunda baş verib.

“Apreldə Ermənistan Rusiyanın rəhbərlik etdiyi birliklərdə, o cümlədən Avrasiya İqtisadi Birliyi və Kollektiv Təhlükəsizlik Müqaviləsi Təşkilatındakı üzvlüyünü yenidən nəzərdən keçirə biləcəyinə işarə verib. Buna səbəb isə Moskvanın Avropa İttifaqı və ABŞ ilə daha yaxın əməkdaşlığın nəticələri barədə xəbərdarlığı olub”, - deyə müəllif qeyd edib.

Alpər Mövludoğlu
Ordu.az