Ordu.az xəbər verir ki, Paris administrasiyası rəsmi olaraq münaqişənin tərəfi olmadığını vurğulamağa davam etsə də, sahədəki intensiv əməliyyat tempi diqqət çəkir.
Fransa hökumət mənbələrinə görə, ortaya çıxan bu xərcin bölgədəki hava və dəniz komponentlərinin aktiv istifadəsi ilə birbaşa əlaqəli olduğu bildirilir.
Ümumi xərc maddələri arasında “Dassault Rafale” döyüş təyyarələrinin patrul tapşırıqları, Fransa Hərbi Dəniz Qüvvələrinin həyata keçirdiyi əməliyyatlar, istifadə olunan sursat və yanacaq xərcləri ön plana çıxır.
Mənbələr Fransa hərbi komponentlərinin bölgədə yüksək tempdə tapşırıq icra etdiyini və mövcud qabiliyyətin intensiv şəkildə istifadə olunduğunu bildirir. Bu vəziyyət, xüsusilə uzunmüddətli nişanalmalar zamanı logistika və maliyyə dayanıqlılığı baxımından yeni müzakirələrə səbəb olur.
“Müharibəyə daxil deyilik” ifadəsi sahədəki mənzərə ilə ziddiyyət təşkil edir
Paris administrasiyası ABŞ və İsrailin İrana yönəlmiş hücumları ilə başlayan münaqişəyə birbaşa daxil olmadığını dəfələrlə bildirib. Lakin sahədəki hərbi hərəkətlilik və əməliyyat intensivliyi Fransanın dolayı da olsa, aktiv rol oynadığını göstərir.
Fransanın xarici işlər naziri Jan-Noel Barro gərginliyin artmamalı olduğunu vurğulayaraq, Fransanın İrana qarşı hər hansı müharibəyə girməyi planlaşdırmadığını bir daha bildirib. Parisin mövcud yanaşmasının hərbi mövcudluğunu qoruyarkən birbaşa münaqişədən yayınma strategiyası üzərində qurulduğu qiymətləndirilir.
Hörmüz boğazı üçün çoxmillətli dəniz planı
Fransa bölgədəki kritik dəniz xətlərinin təhlükəsizliyi üçün diplomatik və hərbi təşəbbüslərini də davam etdirir. Bu çərçivədə Hörmüz boğazının yenidən təhlükəsiz şəkildə açılması məqsədilə Fransa və Böyük Britaniyanın rəhbərliyi ilə çoxmillətli dəniz missiyası planlaşdırılır.
Mina təmizləmə və gəmi müşayiəti tapşırıqlarını əhatə edən bu strukturun 50-dən çox ölkənin iştirakı ilə həyata keçirilməsi hədəflənir. Planlaşdırmanın irəli mərhələyə çatdığı və zərurət yaranarsa, sürətlə işə salına biləcəyi bildirilir.
Fransa baxımından isə ortaya çıxan 1 milyard avroluq hesab “müharibəyə daxil deyilik” ifadəsinə baxmayaraq, sahədəki hərbi nişanalmanın iqtisadi ölçüsünü aydın şəkildə ortaya qoyur.
Sevinc Əliyeva
Ordu.az
