Ordu.az xəbər verir ki, təyyarə “Lockheed Martin”in Texasdakı fabriklərindən yola düşərək, planlaşdırıldığı kimi Azor adaları üzərindən çatdırılma uçuşunu uğurla həyata keçirib.

Bu tədarüklər, bir il əvvəl yaşanan qeyri-müəyyənliklərdən sonra F-35 proqramının yenidən qaydasına düşdüyünə işarə hesab edilir. Ötən il “Technology Refresh 3” (TR-3) yeniləməsi ilə bağlı çətinliklər səbəbindən layihədə mümkün gecikmələrlə bağlı narahatlıqlar var idi.

Danimarka Hava Komandanlığının rəisi general-mayor Yan Dam təhvil-təslimdən məmnunluğunu ifadə edərək deyib: “Ötən gün daha 4 təyyarənin alınması ilə biz F-35 döyüş təyyarəsinin döyüş qabiliyyətinin yaradılması istiqamətində daha bir addım atdıq”.

Sevinc Əliyeva
Ordu.az