Ordu.az xəbər verir ki, şirkət yerli istehsal tapançalarından piyada tüfənglərinə, pulemyotlardan mülki istifadə üçün hazırlanmış ov tüfənglərinə qədər geniş çeşiddə məhsulları ilə qatıldığı sərgidə böyük maraq görüb.

“Sarsılmaz” sərgidə quruda, havada və dənizdə istifadə oluna bilən SAR 127 MT və SAR 762 MT pulemyotlarını təqdim edib.

Bu silahlar yüksək atəş gücü və davamlılığı ilə diqqəti cəlb edərkən, SAR 556 MT yüngül quruluşu və tez dəyişdirilə bilən lülə rejimi ilə də diqqət çəkib.

Bundan əlavə, şəhər əməliyyatları üçün xüsusi olaraq hazırlanmış SAR 109T yüngül pulemyotu şirkətin ən çox bəyənilən məhsullarından birinə çevrilib.

“Sarsılmaz” həm mülki, həm də hərbi istifadəçilər üçün müxtəlif məhsullar sərgiləyib.

SAR9 GEN3 model tapança erqonomik dizaynı və performansı ilə seçilərkən, SAR 7/24 seriyası davamlılığı və müasir mühəndisliyi birləşdirən dizaynı ilə diqqət çəkib.

Sevinc Əliyeva
Ordu.az