Ordu.az xəbər verir ki, “Rheinmetall” ötən il üçün maliyyə nəticələrini və bu il üçün gözləntilərini açıqlayıb.

Buna əsasən, alman silah istehsalçısının konsolidasiya edilmiş satışları ötən il 36 faiz artaraq, 9 milyard 751 milyon avroya çatıb.

Şirkət əməliyyat mənfəətini 61 faiz artıraraq, 1 milyard 478 milyon avroya, səhmdarlara divident ödəməsini isə hər səhm üçün 5,70 avrodan 8,10 avroya yüksəldib.

Bu il üçün gözləntilərini bölüşən şirkət satışlarının bu il 25-30 fiz arasında artacağını gözlədiyini vurğulayıb. Bildirilib ki, “Rheinmetall”ın sifarişləri ötən il 44 faiz artaraq, rekord səviyyəyə - 55 milyard avroya çatıb.

Şirkətin satışlarının 80 faizi müdafiə sektorunun payına düşdüyü halda, avtomobil istehsalçıları üçün məhsul satışı azalıb.

Ukrayna-Rusiya müharibəsi ilə bağlı son hadisələr nəzərə alınmaqla, “Rheinmetall”ın maliyyə gözləntilərinin yenilənəcəyi bildirilib.

Sevinc Əliyeva
Ordu.az