Ordu.az xəbər verir ki, bu barədə “Financial Times” məlumat yayıb.

“Rheinmetall” Frankfurtdakı erkən ticarətdə 9 faiz, “BAE Systems” Londonda 5 faiz, “Thales” isə Parisdə 4 faiz bahalaşıb. “Stoxx Europe” aviasiya və müdafiə indeksi 30 ildən çox müddətdə ən yüksək səviyyəyə çatıb.

Sektor miqyasında sıçrayış Avropa liderlərinin ABŞ prezidenti Donald Trampın Ukraynada müharibəyə son qoymaq üçün Rusiya prezidenti Vladimir Putinlə danışıqlar aparmaq qərarına necə reaksiya verəcəklərini müəyyənləşdirmək üçün Parisdə görüşdüyü vaxta təsadüf edir.

Ağ Evə qayıtdıqdan sonra Tramp müdafiə xərclərini NATO-nun ÜDM-in 2 faizi səviyyəsindən daha da artırmaq üçün Avropa müttəfiqlərinə təzyiqi artıraraq, hazırda yalnız Polşanın çatmağa yaxın olduğu 5 faizlik yeni bir hədəf qoyub.

Avropanın aparıcı siyasətçiləri bu yaxınlarda müdafiəyə daha çox pul xərcləyəcəklərini vəd ediblər.

Sevinc Əliyeva
Ordu.az