Ordu.az xəbər verir ki, qərar ilk olaraq Avropa İttifaqının tender elanları üçün “Tenders Electronic Daily” (TED) platforması vasitəsilə ictimaiyyətə elan edilib.

Danimarka Müdafiə Nazirliyinin Satınalma və Logistika Təşkilatı (DALO) bu satınalma üçün Norveçlə müqavilə imzalayacaq.

Müqavilə 900 milyon DKK ilə 1,5 milyard DKK arasında qiymətləndirilir və dəqiq məbləğ təhlükəsizlik səbəbilə gizli saxlanılır.

Danimarka müdafiə orqanları tərəfindən aparılan bazar araşdırması, NSM-nin mövcud olan ən yaxşı seçim olduğunu müəyyən etdi. O, üstün əməliyyat imkanları, qənaətcilliyi, sürətli çatdırılma müddəti və NATO müttəfiqləri ilə uyğunluğu ilə seçilib.

Bu satınalma ilə Danimarka Norveç, ABŞ, Almaniya, Kanada, Böyük Britaniya və bir sıra digər ölkələrə qoşularaq, NSM-i seçən 14-cü ölkə olub.

Sevinc Əliyeva
Ordu.az