Ordu.az xəbər verir ki, “Türkiyənin ən sürətlə böyüyən kosmik şirkəti” kimi fəaliyyət göstərən “Plan-S” portfelinə yeni peyk aktivləri əlavə edib.

2021-ci ilin iyulunda Ankarada qurulan, peyk və kosmik texnologiya şirkətləri arasında tez bir zamanda beynəlxalq diqqəti cəlb edən “Plan-S” peyk əsaslı “IoT” (əşyaların interneti) rabitə xidmətlərini təmin edəcək “Connecta IoT Network” bürcünün 4 peykinin ikinci partiyasını “SpaceX Falcon 9” raketi ilə “Transporter 12” missiyasında orbitə göndərib.

Vandenberq Kosmik Mərkəzindən buraxılan “Connecta IoT” peyklərindən ilk siqnallar kosmosa buraxıldıqdan qısa müddət sonra qəbul edilib və peyklərin istismara verilməsi üçün işlərə başlanılıb.

Sevinc Əliyeva
Ordu.az