Robot texnologiyaları, simulyasiya və hərəkət sistemləri ilə müdafiə sənayesinin qabaqcıl təşkilatları ilə tərəfdaş olan SANLAB öz məhsullarını MSPO2023 sərgisində nümayiş etdirib.

Ordu.az xəbər verir ki, sərgi zamanı SANLAB maraqlı tərəflərə müxtəlif robot texnologiyaları, eləcə də 6 Oxlu Hərəkət Platformasını təqdim edib.

Şirkətin qurucu partnyoru Salih Kükrek SANLAB həllərinin sərfəli büdcə daxilində yüksək qiymətli sınaqların aparılmasına imkan verdiyini vurğulayıb.

Kükrek sərgidən sonra Türkiyənin ixracat rəqəmlərinə əhəmiyyətli töhfə verəcəklərini ifadə edib.

“MSPO-da ilk dəfə iştirakçı kimi iştirak etdik. Biz ciddi diqqət çəkdik, təbii ki, buradakı istinadlarımız da çox önəmlidir. Türkiyədə ASELSAN, Mexanika Kimya İnstitutu (MKE) və CANİK kimi əməkdaşlıq etdiyimiz şirkətlər buradadır. Biz potensial müştərilərə və ya onlarla işləmək yolu ilə bizə gələn digər həll tərəfdaşlarına birbaşa istinadlar təqdim edə bilərik. Təbii ki, biz şirkət olaraq hərəkətli platformalar hazırlayırıq. Sınaq sistemlərimizi nümayiş etdiririk. Xüsusilə optik və elektron radar sistemləri üçün sınaq sistemlərini göstəririk”, - deyə o bildirib.

Sevinc Əliyeva
Ordu.az