Ordu.az-ın məlumatına görə, tədbirdə Goranboy və Xocalı rayonlarının icra başçıları, digər rəhbər şəxsləri və xidmət sahələrinin kollektivi, ictimaiyyət nümayəndələri iştirak ediblər.
Öncə Goranboy şəhəri Şəhidlər Xatirə Kompleksi, sonra Yeni Yaşayış Massivində Xocalı soyqırımı qurbanlarının xatirəsinə ucaldılmış abidə ziyarət olunub.
Tədbirdə soyqırım aktına həsr olunmuş rəsm sərgisi nümayiş etdirilib.
Həmçinin Goranboy rayonu Aşağı Ağcakənd qəsəbəsində, Qaçqınların və Məcburi Köçkünlərin İşləri Üzrə Dövlət Komitəsi tərəfindən Xocalı soyqırımı qurbanlarının və bütün şəhidlərimizin ruhuna ehsan süfrəsi açılıb.
Bütün şəhidlərimizin ruhuna dualar oxunub, əziz xatirələri ehtiramla anılıb.
Ordu.az
