Hətta Paşinyan etiraf edib ki, əsgərlikdə olan oğlu Aşot ona zəng edərək ərzaq məhsullarının göndərilməsini istəyib. Bunu görən Paşinyan oğlunun xidməti şəraitinin yaxşılaşdırılması üçün Azərbaycanın işğal altında olan Ağdərə yaşayış məntəqəsində qanunsuz dislokasiya olunmuş hərbi hissəyə araşdırma aparılması üçün Ermənistan Müdafiə Nazirliyi əməkdaşlarından ibarət bir qrupa tapşırıq verib.
Diqqətçəkən məqam ondan ibarətdir ki, vaxtilə müxtəlif hərbi hissə komandirlərinin rəsmi müraciətlərinin olmasına baxmayaraq məsələyə laqeydliklə yanaşılır, zəruri tədbirlər görülmürdü.
Paşinyanın orduda xidmət edən yüksək rütbəli zabitlərin müraciətlərini diqqətə almayaraq oğlunun telefon zəngi ilə tələm-tələsik hərbi mütəxəssislərdən ibarət qrupu araşdırma aparmaq üçün hərbi hissəyə göndərməsi ondan xəbər verir ki, orduda xidmət edən hərbi qulluqçuların və əsgərlərin hansı şəraitdə, necə xidmət etdiyi Ermənistan Baş naziri üçün maraqlı deyil.
Bir sözlə nə ölkədəki, nə də ordudakı acınacaqlı vəziyyət Paşinyanı maraqlandırmır. Onu maraqlandıran yalnız şəxsi ambisiyalarıdır.
Ordu.az
