Ordu.az “Yomiuri” nəşrinə istinadən xəbər verir ki, bu barədə Yaponiya Nazirlər Kabinetinin baş katibi Yosihide Suqa bəyan edib.
“Biz bu poliqonun məhv edilməsini irəliyə doğru pozitiv addım kimi dəstəkləyirik. O cümlədən Şimali Koreya ilə bütün kütləvi məhvetmə silahları və ballistik raket növlərinin məhv edilməsində razılığa gəlməyi çox mühüm hesab edirik”, - deyə Suqa bildirib.
O qeyd edib ki, Tokio iyunun 12-də Sinqapurda KXDR lideri Kim Çen Inla ABŞ prezidenti Donald Tramp arasında baş tutan danışıqlardan sonra Vaşinqtonla danışıqları davam etdirməyi və məlumat mübadiləsi həyata keçirməyi planlaşdırır.
Ağalar Qəribov
Ordu.az
